బి బి 4 తెలుగు ఎలిమినేట్ అయ్యి అంద‌ర్నీ ఏడిపించేసిన మెహ‌బూబ్

బిగ్‌బాస్ నాల్గో సీజ‌న్‌లో ప‌దోవారం మెహ‌బూబ్ దిల్‌సే షో నుంచి ఎలిమినేట్ అయ్యాడు. దీంతో కుమిలిపోయిన‌ సోహైల్ బోరుబోరుమంటూ ఏడ్చేశాడు. ఊహించ‌ని దెబ్బ‌కు మెహ‌బూబ్ కూడా విల‌విల్లాడిపోయాడు. ఎంత క‌ష్ట‌ప‌డినా ఫ‌లితం ద‌క్క‌ట్లేద‌ని త‌ల‌రాతను తిట్టుకున్నాడు. కానీ బిగ్‌బాస్ హౌస్ ఎన్నో నేర్పించింద‌ని సంతోషించాడు. చివ‌రిసారిగా డ్యాన్స్ చేసి అంద‌రినీ కంట‌త‌డి పెట్టించాడు. మ‌రి నేటి బిగ్‌బాస్ ఎపిసోడ్ ఎలా సాగిందో తెలుసుకోవాలంటే ఈ స్టోరీని చ‌దివేయండి 

హౌస్‌ను వీడి వ‌చ్చేసిన మెహ‌బూబ్ త‌న‌కు బిగ్‌బాస్ షో చాలా నేర్పింద‌ని, అంద‌రూ త‌న‌కు స్విమ్మింగ్ కూడా నేర్పార‌ని చెప్పుకొచ్చాడు. కాగా 'నువ్వు లేక‌పోతే నేను డ్యాన్స్ చేయ‌లేను' అని హారిక, ఎగ్ దోశ ఎవ‌రికి వేయాల‌ని లాస్య‌ క‌న్నీళ్లు పెట్టుకున్నారు. మెహ‌బూబ్ మాట్లాడుతూ.. హౌస్‌లో అభిజిత్ త‌న‌కు అన్న‌లాగా ఉన్నాడ‌ని వెక్కివెక్కి ఏడ్చాడు. ఇంత హార్డ్ వ‌ర్క్ చేసేవారిని తానెప్పుడూ చూడ‌లేద‌ని అభి చెప్పుకొచ్చాడు. ఇక‌ ఎవ‌రికి ఆరోగ్యం బాగోలేక‌పోయినా మోనాల్ ద‌గ్గ‌రుండి చూసుకుంటుంద‌ని, హౌస్‌లో బెస్ట్ ఎంట‌ర్‌టైన‌ర్ అవినాష్ అని, అఖిలే నంబ‌ర్ 1 అని మెహ‌బూబ్ చెప్పుకొచ్చాడు 

మ‌రోవైపు సోహైల్ మాత్రం దుఃఖ సాగ‌రంలో నుంచి బ‌య‌ట ప‌డ‌లేక‌పోయాడు. మొన్న‌ మాస్ట‌ర్ పోయాడు, త‌ర్వాత అఖిల్ వెళ్లొచ్చాడు, ఇప్పుడు మెహ‌బూబ్ వెళ్తున్నాడు అంటూ  వెక్కివెక్కి ఏడ్చాడు. అత‌డిని మెహ‌బూబ్ అతిక‌ష్టం మీద ఓదారుస్తూ బిగ్‌బాస్‌లో నువ్వు ఎన్ని రోజులు ఉంటే తాను కూడా అన్ని రోజులు లోప‌ల ఉన్న‌ట్లే అని చెప్పుకొచ్చాడు. చివ‌ర‌గా ఓ హిందీ పాట‌కు ఆర్తిగా డ్యాన్స్ చేస్తూ అంద‌రినీ ఏడిపించేశాడు. అనంత‌రం నెక్స్ట్ వీక్‌ నాన్‌వెజ్ తిన‌కూడ‌ద‌నే బిగ్‌బాంబ్‌ను అవినాష్ మీద వేశాడు.

ఇది కూడా చదవండి:

బ్యాగ్ సద్దుకొని వెళ్ళిపో అని కోపగించుకున్న నాగార్జున ,చిన్న పిల్లాడిలా ఏడ్చేసిన అఖిల్

పుట్టినరోజు: దాడి ఆరోపణల తరువాత షలీన్ భానోట్ భార్య విడాకులు తీసుకున్నారు

కెబిసి ట్యూన్ పై కథక్ చేస్తున్న కంటెస్టెంట్ ని చూసిన అమితాబ్ బచ్చన్ ఆశ్చర్య పోయారు