బిగ్ బాస్ టైటిల్ సాధించాలన్న కసితో ముందు సాగుతున్న అఖిల్

బిగ్‌బాస్ నాల్గో సీజ‌న్‌లో ఫిజిక‌ల్‌గా స్ట్రాంగ్ ఎవ‌రు? అన‌గానే మొద‌ట మెహ‌బూబ్‌, అఖిల్ పేర్లే వినిపిస్తాయి. మెహ‌బూబ్ ఎలాగో వెళ్లిపోయాడు కాబ‌ట్టి అఖిల్ గురించి చెప్పుకుందాం. అఖిల్‌‌ టాస్క్ అన‌గానే త‌న శ్ర‌మ‌నంతా ధార‌పోసి ఎలాగైనా గెల‌వాల‌న్న క‌సితో ఆడ‌తాడు. అలా చాలా టాస్కుల‌ను గెలిచాడు కూడా! కానీ ఇప్పుడు గెల‌వాల్సిన‌వి టాస్కులు మాత్ర‌మే కాదు, ప్రేక్ష‌కులు మ‌న‌సులు కూడా! చిన్న‌వాటికి ఎమోష‌న‌ల్ అయ్యే అఖిల్‌ గోటితో పోయేవాటిని గొడ్డ‌లిదాకా తెచ్చుకుంటున్నాడు. చిన్న‌చిన్న గొడ‌వ‌ల‌ను కూడా భూత‌ద్దంలో చూస్తాడు. షో ముగింపుకు చేరుకుంటున్న ఈ స‌మ‌యంలో ఇలాంటివ‌న్నీ ప‌క్క‌న‌పెడితేనే మంచిది. మ‌న‌సు, మెద‌డును ప్ర‌శాంతంగా ఉంచుకుంటూ గేమ్ ఆడ‌గ‌లిగితే అంత‌లా విజ‌యానికి చేరువ‌వుతాడు. ముఖ్యంగా అభిజిత్‌తో గొడ‌వ‌ప‌డ‌క‌పోతే మ‌రీ మంచిది. లేదంటే అఖిల్‌ తీర‌ని న‌ష్టాన్ని చ‌విచూడ‌క త‌ప్ప‌దు.అయితే గ‌త సీజ‌న్‌లో రాహుల్ సిప్లిగంజ్ కూడా సీక్రెట్ రూమ్‌లోకి వెళ్లాడు. తిరిగి హౌస్‌లోకి అడుగుపెట్టాక త‌న గేమ్ ప్లాన్‌నే మార్చి విజ‌యానికి చేరువ‌య్యాడు. అంతే కాకుండా టికెట్ టు ఫినాలే సంపాదించి టాప్ 5లోకి మొద‌ట‌గా అడుగు పెట్టాడు. ఆఖ‌రికి టైటిల్ సొంతం చేసుకున్నాడు. ఇక‌పోతే ఈ సీజ‌న్‌లో అఖిల్ సీక్రెట్ రూమ్‌కి వెళ్లి వ‌చ్చాడు. అలాగే టికెట్ టు ఫినాలే రేసులో అఖిలే గెలిచాడ‌ని సోష‌ల్ మీడియా ట‌ముకేసి మ‌రీ చెప్తోంది. అదే క‌న‌క నిజ‌మైతే  అఖిల్ కూడా రాహుల్ లాగే టాప్ 5కి చేరుకునే మొద‌టి కంటెస్టెంటుగా నిలిచిపోతాడు. సీక్రెట్ రూమ్‌, టికెట్ టు ఫినాలే సెంటిమెంట్ వ‌ర్క‌వుట్ అయితే ఈసారి అఖిలే గెలుస్తాడ‌ని చాలామంది అభిప్రాయ‌ప‌డుతున్నారు. మరి ఏమ‌వుతుందో చూడాలి

 ఇది కూడా చదవండి:

మాస్కులు ధరించని వారికి సమాజ సేవను తప్పనిసరి చేస్తూ గుజరాత్ హెచ్ సి ఆర్డర్ ను ఎస్సీ స్టే

జెన్నిఫర్ ఆనిస్టన్ ది మార్నింగ్ షో యొక్క సెట్స్ నుండి తన 'మిడ్ వీక్ మూడ్'ను పంచుకుంటుంది

'లవ్ స్టోరీ' పాట యొక్క కొత్త వెర్షన్ కొరకు టేలర్ స్విఫ్ట్ ర్యాన్ రేనాల్డ్స్ తో చేతులు కలుపుతాడు