బిగ్‌బాస్ హౌస్‌లోకి నేడు కూడా కంటెస్టెంట్ల ఫ్యామిలీస్ ఎంట్రీ ఇచ్చాయి. ఇక త‌న ఫ్రెండ్ క‌ళ్లెదురుగా క‌నిపించ‌డంతో అరియానా కాళ్లు నేల మీద ఆగ‌లేవు. ఇక సోహైల్ తండ్రికి సంతోషంతో ఏం మాట్లాడాలో తోచ‌లేదు. తండ్రి క‌ళ్ల‌లో ఆనందం చూసిన సోహైల్ ఇది చాలు నాకంటూ పొంగిపోయాడు. అయితే మోనాల్ త‌ల్లి రావ‌ట్లేదంటూ ఆమె ఎమోష‌న్స్‌తో ఆడుకున్న బిగ్‌బాస్ త‌ర్వాత ఆమె చెల్లిని పంపించాడు. వ‌చ్చీరావ‌డంతోనే ఆమె అభిజిత్‌కు క్లాస్ పీకింది. చివ‌ర్లో మోనాల్‌తో బాగా మాట్లాడేందుకు ప్ర‌య‌త్నించ‌మ‌ని స‌ల‌హా ఇచ్చింది. దీంతో అత‌డు కాస్త దిగులు చెందాడు. మ‌రి అస‌లు ఆమె ఏమ‌ని చెప్పిందో తెలుసుకోవాలంటే దీన్ని చ‌దివేయండి.
అమ్మ మొద‌టిసారి నాకు ఐ ల‌వ్ యూ చెప్పింద‌ని అఖిల్ హ్యాపీగా ఫీల‌య్యాడు. అమ్మ త‌న పేరును ప‌చ్చ‌బొట్టు పొడిపించుకుంద‌ని త‌ను చాలా పొసెసివ్ అని మోనాల్‌తో చెప్పుకొచ్చాడు. అందుకే నీతో ఎక్కువ‌గా మాట్లాడ‌లేదని తెలిపాడు. ఇక క‌మాండ్స్ ట్రైనింగ్ సెంట‌ర్‌ గేమ్‌లో బిగ్‌బాస్ ఇంటిస‌భ్యుల‌తో ఆడుకుంటే సోహైల్ మాత్రం అవినాష్‌తో ఆడుకున్నాడు. కానీ అవినాష్ మాత్రం ఏ అవ‌కాశం దొరికినా వ‌దిలి పెట్ట‌కుండా మోనాల్ ద‌గ్గ‌ర పాట‌లు పాడుతూ పులిహోర క‌లిపాడు. అనంత‌రం అరియానా స్నేహితుడు విన‌య్ హౌస్‌లోకి వ‌చ్చాడు. అత‌న్ని చూడ‌గానే అరియానా గుక్క‌పెట్టి ఏడ్చేసింది.
విన‌య్ వేరేవాళ్ల‌ను ప‌ల‌క‌రిస్తే కూడా స‌హించ‌లేక‌పోయింది. త‌న‌తోనే మాట్లాడ‌మ‌ని అరిచి గీ పెట్టింది. 'గ‌తేడాది నువ్వొక‌టి అన్నావు, గుర్తుందా? పాప నువ్వు బిగ్‌బాస్‌కు వెళ్తే డొక్కు కారు అద్దెకు తెచ్చి డ్యాన్స్ చేయిస్తా అన్నావు' అన‌గానే దాన్ని త‌ప్ప‌కుండా నెర‌వేరుస్తా అని హామీ ఇచ్చాడు. అలాగే త‌న‌కు బ‌ట్ట‌లు, చెప్పులు పంపించ‌మంటూ చాంతాడంత లిస్టు చెప్పుకొచ్చింది. త‌మ‌ది 12 ఏళ్ల స్నేహ‌మ‌ని. త‌న క‌ష్ట‌సుఖాల్లో ప్ర‌తిసారి ఇత‌డే ఉన్నాడ‌ని తెలిపింది. అన్నం లేని స‌మ‌యంలో దొంగ‌లాగా అత‌ని ఇంటికి వెళ్లి తినేదాన్ని అని చెప్తూ ఐ ల‌వ్ యూ విన‌య్ అంటూ సంతోషంతో గెంతులు వేసింది.
ఇది కూడా చదవండి:
కార్డి బీ స్లామ్స్ ఎట్ ట్రోల్స్ బిల్ బోర్డ్ యొక్క ఉమన్ ఆఫ్ ది ఇయర్ గా పేరు పెట్టబడింది
ఖోలో యొక్క జిమ్ స్నీకర్స్ 30కే పాజిటివ్ రివ్యూలను అధిగమించింది
విల్ స్మిత్ మరియు జానెట్ హుబర్ట్ ఫ్రెష్ ప్రిన్స్ పునఃకలయికవద్ద భావోద్వేగ సవరణలను చేస్తారు
_60334531d4710.jpg)
_6034de322dbdc.jpg)
