ట్రోఫీ అందుకోవాల‌న్న క‌సితో కంటెస్టెంట్లు ఆట మీద విరుచుకుప‌డుతున్నారు. ఎమోష‌న్స్‌, గేమ్ రెండింటినీ బ్యాలెన్స్ చేస్తూ ఆడుతున్నారు. మ‌రోవైపు అఖిల్ ఇప్ప‌టికే నేరుగా ఫినాలేకు చేరుకుని గుండెల మీద చెయ్యేసుకుని విశ్రాంతి తీసుకుంటున్నాడు. దీంతో మిగిలిన ఐదుగురు ఈ వారం నామినేష‌న్‌లో ఉండ‌నున్నారు. ఇదే చివ‌రి నామినేష‌న్ అని స్ప‌ష్టం చేస్తూ బిగ్‌బాస్ ఓ ప్రోమోను రిలీజ్ చేశారు. ఇందులో గార్డెన్ ఏరియాలో ఉన్న కిరీటాన్ని సోహైల్‌ ద‌క్కించుకుని హౌస్‌కు రాజుగా అవ‌తరించాడు. ఆయ‌న ఆజ్ఞ ప్ర‌కార‌మే మిగ‌తా ఇంటి స‌భ్యులు న‌డుచుకోవాల్సి ఉంటుంది. లేక లేక వ‌చ్చిన అవ‌కాశాన్ని సోహైల్ వ‌దులుకుంటాడా? అరియానాకు బండెడు ప‌నులు అప్ప‌గిస్తూ ఆమెకు చుక్క‌లు చూపిస్తున్నాడు. ఇది గ‌మ‌నించిన అభిజిత్ మ‌హారాజా, ఇది ఎప్ప‌టినుంచో ఎదురు చూస్తున్న అవ‌కాశం క‌దా! అంటూ పంచ్ వేశాడు 

త‌ర్వాత సింహాస‌నాన్ని అధిష్టించిన రాజు అరియానా త‌ప్పొప్పుల‌ గురించి చ‌ర్చిస్తూ ఆమెకు శిక్ష‌లు విధిస్తున్నాడు. రాక్ష‌సుల టాస్క్‌లో అరియానా ఎంత రాక్ష‌సంగా ప్ర‌వ‌ర్తించింది? అని మండిప‌డ్డాడు. ఆమె మీద నీళ్లు గుమ్మ‌రిస్తూ, గుడ్డు ప‌గ‌ల‌గొడుతూ చిత్ర‌హింస‌లు పెట్టాడు. అయితే అరియానా నేను కూడా రాణయ్యే అవ‌కాశం ఉంద‌ని గుర్తు చేయ‌డంతో అమ్మో, నాకు ఫ్యూచ‌ర్ క‌నిపిస్తోంది అని సోహైల్ గుడ్లు తేలేశాడు. మొత్తానికి ఈ ప్రోమోలో టామ్ అండ్ జెర్రీ ఫైట్ బాగా హైలెట్ అవుతోంది. ఇక ఈ వీడియో చూసిన నెటిజ‌న్లు మ‌రో రెండు వారాలైతే వీళ్ల‌ అల్ల‌రిని మిస్స‌వుతామ‌ని బాధ‌తో కామెంట్లు చేస్తున్నారు. మొత్తానికి ప‌ద్నాలుగో వారం నామినేష‌న్‌లో ముగ్గుర‌మ్మాయిలు హారిక‌, మోనాల్‌. అరియానా డేంజ‌ర్ జోన్‌లో ఉండ‌నున్నారు. వీళ్ల‌లో నుంచి ఒక‌రు ఎలిమినేట్ అయ్యేందుకు అవ‌కాశ‌ముంది. అయితే బిగ్‌బాస్ ఇచ్చిన టాస్క్‌లో అరియానా బెస్ట్ ప‌ర్ఫామెన్స్ ఇచ్చిన‌ట్లు స‌మాచారం. దీంతో బిగ్‌బాస్‌ ఆమెకు ఏదైనా స్పెష‌ల్ ఆఫ‌ర్ ఇస్తాడేమో చూడాలి!

ఇది కూడా చదవండి:

కెన్యా మూర్ తన 'వినాశనకరమైన' తేదీని కన్యే వెస్ట్ తో గుర్తుచేస్తుంది

మిలింద్ సోమన్, అన్నూ కపూర్ జంటగా నటించిన 'పోర్షాపూర్' టీజర్ విడుదలైంది

క్లాసికల్ డ్యాన్స్ ప్రదర్శిస్తున్న అందమైన వీడియోను షేర్ చేసిన జాన్వీ కపూర్, ఇక్కడ చూడండి